Mae yna ychydig o wahanol fathau o forgais Islamaidd, a nifer fach o fenthycwyr sy'n eu cynnig. Dysgwch fwy am yr hyn sydd ar gael a sut y bydd eich taliadau'n gweithio.
Beth yw morgais Islamaidd?
Mae morgeisi Islamaidd yn gynlluniau prynu cartref sy'n cydymffurfio â Sharia, i'ch helpu i brynu'ch cartref mewn ffordd nad yw'n cynnwys talu llog.
Sut mae morgeisi Islamaidd yn gweithio?
Mae tri math o gynlluniau prynu cartref sy'n cydymffurfio â Sharia.:
- Ijara
- Murabaha
- Musharaka gostyngol.
Maent i gyd yn gweithio'n wahanol, felly mae'n bwysig deall y gwahaniaethau cyn dewis.
Ijara
Mae Ijara yn gytundeb 'prydles-i-berchen'. Gyda chynllun Ijara, mae eich benthyciwr yn prynu'r eiddo yn llwyr. Yna byddwch yn gwneud taliadau misol sy'n talu:
- pris prynu'r eiddo
- rhent
- unrhyw daliadau eraill.
Ar ddiwedd y cynllun, byddwch wedi ad-dalu'r swm llawn am yr eiddo. Bydd hyn yn golygu eich bod bellach yn berchen ar yr eiddo yn gyfan gwbl.
Murabaha
Mewn cynllun Murabaha, mae eich benthyciwr yn prynu'r eiddo ac yn ei werthu i chi ar unwaith am bris uwch.
Bydd angen i chi dalu blaendal cychwynnol, fel arfer o leiaf 20% o'r pris prynu.
Byddwch wedyn yn ad-dalu'ch benthyciwr mewn ad-daliadau sefydlog am gyfnod penodol o amser. Gallwch ad-dalu'r benthyciad yn llawn ar unrhyw adeg heb gosb.
Musharaka Gostyngol
Mae Musharaka gostyngol yn golygu eich bod chi a'r banc neu'r gymdeithas adeiladu yn berchen ar yr eiddo gyda'ch gilydd, gyda chyfrannau ar wahân.
Mae pob ad-daliad yn cael ei ddefnyddio i brynu cyfranddaliadau'r banc yn yr eiddo dros amser. Mae'r ad-daliadau yn cynnwys rhent, prynu’r eiddo ac unrhyw daliadau eraill.
Wrth i'ch cyfran dyfu, mae cyfran y banc yn lleihau. Mae hyn yn lleihau faint o rent y mae'n rhaid i chi ei dalu.
Blaendal, ffioedd a chostau ar gyfer morgeisi Islamaidd
Blaendal
Fel arfer bydd angen blaendal o leiaf 20% o'r eiddo arnoch i fod yn gymwys ar gyfer cynllun prynu cartref sy'n cydymffurfio â Sharia.
Er enghraifft, os yw'r eiddo rydych am ei brynu yn werth £200,000, fel arfer bydd angen i chi roi o leiaf £40,000 i lawr.
Ffioedd a chostau
Wrth gyfrifo'r hyn y gallwch ei fforddio, cofiwch gyllidebu ar gyfer y canlynol:
- arolwg
- yswiriant adeiladau
- Treth Stamp os ydych yn Lloegr neu Ogledd Iwerddon
- Treth Trafodiadau Tir os ydych yng Nghymru
- Ffi prisio'r benthyciwr
- ffioedd cyfreithiol.
Bydd eich benthyciwr yn esbonio'r holl ffioedd y byddai’n eu codi arnoch.
Gweithiwch allan beth allwch chi ei fforddio mewn gwirionedd
Mae'n bwysig meddwl yn ofalus faint y gallwch ei fforddio, ar gyfer costau ymlaen llaw a'ch taliadau misol.
Cofiwch y gallai eich costau godi yn y dyfodol, gan y bydd y rhent fel arfer yn cael ei adolygu bob chwe mis.
Byddwch yn ofalus
Os na allwch fforddio parhau â'ch ad-daliadau, efallai y byddwch yn colli'ch cartref.
Budget Planner
To help you manage your money, use our free and easy-to-use Budget Planner
Cael morgais Islamaidd
Mae yna ychydig o fanciau sy’n cynnig morgeisi Islamaidd, gan gynnwys:
Mae hon yn farchnad sy'n tyfu, felly mae mwy o opsiynau ar gael dros amser. Mae'n syniad da siarad ag ymgynghorydd a all eich helpu i asesu'r holl opsiynau ar y farchnad.
Cael cyngor ar y cynllun cywir i chi
Bydd darparwyr cynllun prynu cartref yn gofyn cwestiynau i chi am eich amgylchiadau ariannol a rhaid iddynt argymell dim ond cynnyrch sy’n addas i chi.
Darganfyddwch fwy am Ddewis ymgynghorydd morgais
Gwybodaeth a gewch am wasanaeth y darparwr
Rhaid i'r darparwr cynllun prynu cartref egluro'r gwasanaeth y byddant yn ei roi i chi.
Rhaid i hyn gynnwys:
- a fydd rhaid i chi dalu am eu gwasanaeth
- y ffioedd y maent yn eu codi
- yr ystod o gynhyrchion sydd ar gael, gan ei gwneud yn glir a oes unrhyw gyfyngiadau.
Byddwch hefyd fel arfer yn cael enwau ysgolheigion Islamaidd y darparwr. Maent yn sicrhau bod y gwasanaethau'n cydymffurfio â chyfraith Islamaidd.
Os oes gennych unrhyw amheuon am natur Islamaidd y cynnyrch neu'r gwasanaethau, siaradwch â'ch Imam neu ysgolhaig Islamaidd annibynnol.
Gwybodaeth a gewch am eich cynllun prynu cartref
Wrth werthu cynllun prynu cartref, byddwch yn derbyn dogfennau sy'n dangos:
- ffeithiau allweddol, risgiau a nodweddion y cynllun prynu cartref hwn
- cost gyffredinol y cynllun a faint fyddwch chi'n ei dalu bob mis.
Diogelu eich hun
Os ydych chi'n anhapus gyda'ch benthyciwr, megis os ydyn nhw wedi gweithredu'n annheg neu ddim yn glir wrth gytuno ar eich morgais, gallwch gwyno. Gweler ein canllaw Sut i gwyno i'ch banc, benthyciwr neu ddarparwr cerdynYn agor mewn ffenestr newydd
Mae'n ofynnol i ddarparwyr cynllun prynu cartref diogelu eich buddiannau. Ond bydd cyfyngiadau ar yr hyn y gallant ei wneud.
Er enghraifft, os bydd y darparwr yn mynd allan o fusnes neu'n gwerthu ei gyfran o'r eiddo i rywun arall, efallai y byddwch mewn perygl o golli'ch cyfran o'r eiddo a'ch hawl i fyw yno.
Mae'n bwysig cael cyngor cyfreithiol annibynnol i sicrhau bod eich buddiannau'n cael eu diogelu'n iawn. Gall cyfreithiwr ddiogelu eich hawl i aros yn yr eiddo drwy sicrhau bod eich prydles wedi'i chofrestru gyda Chofrestrfa Tir EF.
Gallwch wirio bod eich prydles wedi'i chofrestru:
- yng Nghymru a Lloegr, ar Gofrestrfa Tir EFYn agor mewn ffenestr newydd
- yn yr Alban, ar Registers of ScotlandYn agor mewn ffenestr newydd
